Халыҡ яҙыусыһы Ринат Камал исемендәге кабинет асылды.

Бөгөн, 24 апрелдә, Х.Я. Фәтҡуллин исемендәге Дыуан-Мәсетле мәктәбендә Башҡортостан Республикаһының халыҡ яҙыусыһы, ошо ауылда тыуған Ринат Камал хөрмәтенә башҡорт теле һәм әҙәбиәте кабинетын асыу тантанаһы үтте.

Ринат Камал исемендәге кабинетты асыу беҙҙең мәктәпәбебеҙ һәм тотош биләмәбеҙ  өсөн мөһим ваҡиға булып тора,сөнки  быуындар бәйләнешен нығыта,  телебеҙгә һөйөүҙе арттыра,мәҙәниәтебеҙҙе үҫтерә.

Был матур саранан ағинәйҙәребеҙ ҙә ситтә ҡалманы.Билдәле шәхесебеҙҙе тәбрик итеп,аралашып,изге тәләктәребеҙҙе әйтеп,йылы хәтирәләр менән уртаҡлашып,киләсәккә яҡты өмөттәр менән таралыштыҡ.